السحر والاعمال

السلام عليكم ورحمه الله متشكره جدا للاعضاء الى ردو عليه ومتشكره بردو لى الاعضاء الى مش ردو علشان اكيد عندهم ظروف انا هتكلم فى موضوع ناس كتيره جدا مختلفه عليه ولو سمحتم بليز عاوزه اراكم باستفاضه
هل السحر والاعمال علاجهم فى ايد شيوخ فهمه فى موضوع العلاج بالقران ام فى ايد الانسان نفسه ويقينه بان الله هو الضار والنافع ؟

السلام عليكم ورحمه الله
شكرا على موضوعك
طبعا الله هو الضار والنافع بس الانسان بردو يكون قوى ويتحكم فى نفسه وفى نفس الوقت يلجا لاصحاب العلم الموثوق فيهم علشان يساعدوه

عن تجربة ومشاهدة شخصية
فى ايد الانسان نفسه ويقينه بان الله هو الضار والنافع

وغالبا فى معظم الناس بيكون فى مشكلة عندة وملهاش علاقة بالسحر و المس

شكرا على ردودكم الجميله وانا برجح رايك يا ابو انس بان الله هو الضار والنافع وان فى ناس كتيره مجرد ما تتعب او تدوخ يقولو معملها عمل وخاصتا فى المناطق العشوائيه الانسان ياما بيشوف فيها كتير بس بردو فى شيوخ بتطلع على القنوات الفضائيه بتقنع الناس بوجود علاج السحر على يد شيوخ وبيقولو بان الرسول صلى الله وعليه وسلم كان بيعالج الناس من السحر بواسطه قراه القران على الماء ثم شوربه والرقيه الشرعيه وساعات بتصل الى ضرب المريض لخروج الجن منه هل يا ترى الكلام ده صح ام غلط وجزاكم الله عنى خيرا

نحتاج لمراجعة الشرع فى الموضوع ده

بس بصراحة معرفش

بس قبل كدة لازم الموضيع تقدر بقدرها

هو علاج السحر ببساطة ياجماعة

والنبي صلي الله علية وسلم نفسة سُحر من يهودي وعلاجة كان آيات قرآنية عظيمة وبسيطة وكلنا يحفظها بفضل الله

سورة الفاتحة
آية الكرسي
آخر آيتين من سورة البقرة (آمن الرسول....)
المعوذين
الاخلاص

وياريت المحافظة علي الصلاوات جماعة اولي بالمسجد للرجال وفى اول وقتها للنساء
وإذكار الصباح والمساء
وإذكار النوم

وان شاء الله لا يؤثر فيك أعظم جآن حتى لو أبليس نفسة ومن غير ولا شيوخ ولا دجليين ولا كلام ماهوش أى لازمة

ملحوظة هامة جدا جدا
العامل المؤثر في اي شيئ هو ثقتك فى الله فلو كانت ثقتك فى الله ضعيفة لان ينفعك حتى لو قرات القران كله جملة واحدة

وجزاكم الله خيراً