walaa كيميائى مجتهد جدا
المساهمات : 80 تاريخ التسجيل : 09/08/2008 العمر : 36
| موضوع: للشاعر احمد فؤاد مجم الثلاثاء فبراير 03, 2009 2:25 am | |
| للشاعر// احمد فؤاد نجم
افندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط ***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل ما حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخلي مساحة الغلابة تزيد ستة مللي و ياكلو بدال التراب الزلط ***** أفندينا أعلن صدور القرار و قبل ما ينجح في أي اختبار فوجئنا بزفة و مولد و زار قصايد.. جرايد.. برامج.. يفط ***** تؤكد بأن الحكومة.... بذكاء و من حزمة واحدة قضت ع الغلاء و لابد يبقى لدينا... انتماء و ناكل و نشرب و نلبس خطط ***** عقبال النمو اللي قالوا عليه و حايشينه عنا مانعرفش ليه ماتلمح مكانه في مراية عينيه و نقدر ندوق منه... حتى نقط ***** مادام كل حاجة تمام ع الورق مفيش أي داعي عشان ال قلق و لو مش مصدق خلاص اتفلق ورقـنا اللي صح وكلامك غلط ***** قالي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط! ***** اذا الشعب صدى بفعل البارومة حاتعمل حسابه ف ايه الحكومة وهي اللي جاهزة بكرباج وشومة عشان لوفي واحد في عقله اتخبط ***** تعيش مصر دايما في عز و جمال يعيش المواطن شـديد الاحتمال و آمن تماما من الاشــــتعال و أقصى ما عنده.... ينكت فقط | |
|
mostafa zedan كيميائى مجتهد جدا
المساهمات : 83 تاريخ التسجيل : 28/08/2008 العمر : 36
| موضوع: رد: للشاعر احمد فؤاد مجم الجمعة فبراير 06, 2009 4:53 am | |
| وانا سانشد قائلا: ما شربتش من نيلها جربت تغنيلها ...............وهكذا وعمار يا مصر ومصر بتتقدم بينا | |
|
فاطمة على كيميائى مجتهد جدا
المساهمات : 105 تاريخ التسجيل : 20/06/2008
| موضوع: رد: للشاعر احمد فؤاد مجم الأحد فبراير 08, 2009 2:35 pm | |
| أحلى حاجة ان الكيميا ليها دور فى قصيدة أحمد فؤاد مجم(مللى جرام). | |
|