مصر عربية

موضوع: مصر عربية الجمعة يناير 09, 2009 5:53 pm

مصر فعلا عربية مش لانتمائها العربي فقط لا وهيه كمان عاملة زي (العربية)كل شويه يجي واحديسوقها وينزل ويجي واحد وراه وهكذا وعلشان كل الي بيركبها بيتعلم السواقه عليها بقت مهكعة وجنابها بقت مخبطةوحالتها تصعب علي الكافر ومحتاجة ظبط زوايا .... سواقها الحالي متبت في (الدريكسيون)يجي من ربع قرن واكتر كمان مش عايز يمسكه حد بداله طبعا هو متصور ان مفيش لا قبلة ولا بعدة في السواقة وحاطط رجلة علي البنزين وماشي يتخبط بيها يمين وشمال والركاب المساكين لا حول ليهم ولا قوة الكل خايف من بطش السواق ومن المطوه الي حاططها قدامه علي الطابلون ولو راكب من دول حب يعمل فيها عنتر ولا ابوزيد الهلالي ويقول للسواق اوقف عندك حااااااااااسب يا اسطي
هيتحدف من الباب وعملا بالقول المآثور اضرب المربوط يخاف السايب
كل الركاب ساكتين ومفيش واحدقادر يوقف العربية علشان الاسطي الكبيرقاعد لوحده في الكابينةمفيش حد جنبه حتي التباع بتاعه شالو من 18 سنةولما الركاب صرخو في وشه بقى في عربية من غير تباع يعم الاسطي ... هاتلك تباع علشان يساعدك ويهويك شوية بص عليهم وقالوهم متخفوش عليا انا كويس كده رد عليه الركاب بس احنا مش كويسين كده علي الاقل نبقي مطمنين لو جرالك حاجه ان فيه الي هيسوق من بعدك ...رد عليهم وقالهم انا مبحبش التباعين اصلهم بيعملولي صداع وكمان مضمنش مش يمكن ان التباع اللي يجي يخنصر فلوس من ورايا ويدوب الايراد الي بتجيبو العربية يكفيني انا وولادي والست امهم وبصراحه اكتر انا مضمنشي اللي يجي يمكن ياخد الدريكسيون من ايدي ولما الركاب قالولو يا اسطي ما انتا في يوم كنت تباع ولما السواق الي قبلك مات ركبت انتا العربية
بداله ليه بقى شلت التباع الي كان علي العربية اشمعني انتا ميبقلكش تباع
راح باصص عليهم وعليه ابتسامة بريئة وقالوهم متخفوش يا جماعه انا بعلم ابني السواقة وهطلعلو رخص السواقة ولما يتودك هديلو رخص العربية بعدي ويركبها بدالي بعد عمر طوووووووويل الف بعد الشر عليا انا لسه بصحتي
رد الركاب وقالو طيب ليه يا ريس متختارش حد من الركاب يسوق العربية ويكمل المسيره الميمونة يعني مش هتلاقي وسط الركاب دي كلها واحد بيعرف يسوق!!! رد عليهم السواقة تكليف مش تشريف ومش اي حد يستحمل القعده علي الكرسي اصلو عايز مواصفات خاصه واديكم عارفين انا اخدت ايه من القعده عليه غير انزلاق غضروفي بروح اتعالج منه ف المانيا دي غير بقى الامراض التانية
صرخ واحد من الركاب يا ناس حراااااااااام كفاية كده عجلات العربية نامت والعربيه بقت ماشية علي الجنط علي الحديد بتاعها وكل العربيات الي كانت وراهاسبقوها بكتير ولو فضلت ماشية بالسرعة دي مش هتحصلهم ولا بعد ميت سنه رد علية الاسطي وقالو يعم قول يا باسط طول عمرها علي الحديدة وبرضو ماشية انا اصلا استلمتها من الاسطي الي قبلي علي الحديده الله يسامحة بقي
طيب ما تؤديها لميكانيكي ياابو الاسطوات ... وبنفس الابتسامه الجميلة رد عليهم وقال ولزومة ايه الميكانيكي البركة في ولادي بقى ما هما الي بيعملولها العمره بنفسهم
عمره ايه بس يعم الاسطي دي بقت مهكعة علي الاخر وعاوزه قطع غيار انتا بهدلتها علي الاخر يا راجل دا انتا استلمتها ولا الجاجوار وهتسيبها ومحصلتش فيات128
رد الاسطي وقال: ده ذنب الركاب اصلهم كتار اوي وانا بقى محبش الركاب الكتير وطول عمري اقول كفاية ركاب لحد كده العربية اتملت وانا خايف عليها اصل عليها اقساط
رد الراكب: ما البركة فيك يا ريس انتا وولادك عمالين تسحبو قروض بضمان العربية والايراد الي بتجيبو شافطينو اول باول ... وبنفس الابتسامه السحرية رد الاسطي الكبير اصل الولية مراتي خايفه اجوز عليها علشان كده بتسحب الفلوس من جيبي اول باول وتقولي ما هيه الفلوس الي بتجيبها العربية لمين يعني مش لولادنا ربنا يخلي لينا العربية ويخليك لينا يا اسطي فجاه حصلت كركبه ف العربيه
الراكب: بص قدامك يسطي حاسب تلبس في عامود
وبلهجة الواثق من نفسة رد الاسطي العربية دي طول عمرها متعودة علي الحوادث وياما عربيات خبطت فيها ومع ذلك ولا بيهمها وبترجع تاني احسن من الاول
الراكب:دا علشان عضمها ناشف وشديدة بس عمايلك انتا فيها اشد..بص الاسطي بغضب للراكب وقالو والله الي مش عاجبة ينزل وابقو قابلوني لو لقيتو قائد ليها احسن مني مد الاسطي ايده واخد شريط من علي الطابلون وحطه ف التسجيل وعلي انغام اخترناه اخترناه
اخذ يتمايل فرحا وهو ماسك مطوه ف ايده فجاة العربية مالت بالركاب ولقيو نفسهم نازلين منحدر شديد مش باينلو نهاية الركاب ابتدو يصرخو وقف العربية كفايه...كفايه...كفايه
الركاب قعدو يدعو ف سرهم ان ربنا يخلصهم من السواق البلطجي ده... بص ناحيتهم الراكب اللمض اياه وقالهم ان الله لا يغير ما بقوم حتي يغيرو ما بانفسهم انتو لازم تتحركو وتحاولو تاخدو الدريكسيون من ايد اخينا قبل ما يغورنا ف داهية وتحدفوه من باب العربية عند اول خرابة تقابلكم
رد الركاب علية وقالوله احنا مالنا هية كانت عربية الي خلفونا ادينا راكبين خلينا نوصل علي خير احنا ورانا عيال بنربيها ومفيش قدامنا غير اننا ندعي لربنا انه يوصلنا لبر الامان بالسلامه
اقترح واحد من الركاب ايه رايكم نفتح الازاز ونصرخ لاي عربية معدية ونقلوهم الحقونااا
رد اللمض وقالو طيب اش ضمنك يا فالح مش يمكن اللي يجي علشان يخلصنا من السواق بتاعنا يركب هو بدالة... رد صاحب الاقتراح طيب ايه العمل... بصلو اللمض وقالو احنا الركاب واحنا الي لازم ننقذ نفسنا
والاسطي مازل يهبط ويهبط ويهبط بالعربية ومحدش عارف هيوديها لفين
ومازال الركاب بيصرخو
حااااااااااااااااااااااااااااااااااااااااااااااااا ااااااااااااسب يسطي

كان لازم ابعتها ................................
i sorry

موضوع: رد: مصر عربية السبت يناير 10, 2009 1:26 am

حرام عليكوا هتودونا في داهية ربنا يجعل كلامنا خفيف عليهم
اشتاتا اشتوت
ما تحسابش يا اسطي خليك ماشي بينا مطرح مانتا عايز ربنا يوصلنا بالسلامة وربنا يكرمك دائما للامام يا اسطي

موضوع: رد: مصر عربية السبت يناير 10, 2009 1:46 am

Do not be sorry

but, I ask you..........ARE YOU STILL LIVE

I am Clown

موضوع جميل

وقف ياسطى...
منا كدة ميت ميت...

موضوع: رد: مصر عربية السبت يناير 10, 2009 1:51 am

مش عارفه ليه فى ناس خايفة
متخفش ما احنا راحين راحين فى ......................

موضوع: رد: مصر عربية السبت يناير 10, 2009 2:14 am

انا مش خابففففففففففف
ولا مرعوبببببببببببببببب
ولا انا جبانننننننننننن
بس الاحتياط واجب يعني
خلاص مش مشكلة
حااااااااااااااسببببببببببب يا اسطي الله يخرب بيتك

موضوع: رد: مصر عربية السبت يناير 10, 2009 2:17 am

هههههههههههههههههههههه
لا العفو
كده هينزلك فى اقرب محطه

موضوع: رد: مصر عربية الإثنين يناير 12, 2009 9:51 pm

بسم الله الرحمن الرحيم

الشماعه :
إحنا علينا ندعى ربنا يريحنا منه

الله على الإيجابيه والأمر بالمعروف و النهى عن المنكر هذا هو الإيمان

ما يحدث فى غزه الأن يعطينا درس هام ألا وهو أن نوال الحريه يتطلب أمامه تضحيه حتى إن كانت أرواح الألاف

ولكننا نريد كل شىء جاهز دون تعب ولا عناء ولا ألم بل أن بعضنا لا يشاهد ما يحدث فى غزه نظرا لصعوبة المنظر وقسوته لا أحد يريد أن يتألم لتصبح داخله طاقه موقده تنتظر أو تبادر للخروج وتغيير الواقع

ولن يحدث ذلك إلا باليقين بالله و فالله
وأن الله لن يضيعه أبدا وأنه حسبه نعم المولى ونعم النصير
وأن لن يضره أحد إلا بأذن الله ومشيئته

بل فى أحيان كثيره نحن من نضع لأنفسنا القيود و العوائق و نعطى لأنفسنا الإحساس بأستحالة تخطى خطوة ما ولكن فى أحيان عندما نستمسك قوانا ونُقدم على الأمر نجد أنه لم يلزم كل هذه الرهبه والعوائق بل مر بيُسر

فعلينا أن نختار إما حياة النوم والخمول والرضى بالذل ونورث للأجيال نتيجة خُذلاننا وكسلنا وعجزنا وننتظر منهم اللعنات والدعاء علينا
- غير ما سنُلاقيه فى الأخره -

أو أن نتحمل مسئولية أنفسنا ونستعين بالله ونجتهد ونكد ونتوكل عليه مع التأكد أنه معنا ولن يضيعنا فإن كنا أثنان فهو ثالثنا وإن كنا ثلاثه فهو رابعنا - وننتظر من الله أن يصلح حالنا فى الدنيا و الأخره ويعطينا كلاهما كما وعدنا - و الله المُستعان