المرة دى مش حوار بين أى حد لكن الحوار بينى وبينكم،لأن اللى حصل أن عادل فسخ الخطوبة مع سميرة، وأحمد على الرغم من العلقة اللى خدها برضه ماتجوزش نوال،أما جمالات فطلقت من جوزها..........وأهه كله مصائب....
طبعا الحياة كلها مش كده ،ومش دايما بيكون الراجل بس أو الست هى اللى غلطانة..، لكن أنا حبيت أحط كل المصائب فى قصة واحدة عشان نتناقش فى كل موضوع على حدة.
فنوال كان اختيارها من الأول خطأ، لأن اللى بيواعد بشىء أكيد هيبان عليه أنه عايز ينفذه ، وبيبان على الانسان الجد والانسان السىء من الأول ، وطبعا ده مش غلطها لوحدها لأن كتير قوى من الشباب دلوقتى بيستهونوا بمشاعر أى حد وبيقولوا أى كلام ، وده يدل على نقص شديد فى التربية الاسلامية من الجنسين.
أما سميرة حظها أن عادل شاف واحدة تانية من بعيد ماسكة ايشارب أصفر برضه ، وكانت بنت راجل مهم ومعاها بودى جارد فأول ماشافوه بيقرب مسكوه ضربوه،وطبعا أن سميرة تحط عادل فى موضع زى ده وموضع شك من الأول خلاه مش حاسس أن فيه ثقة متبادلة علشان كده كان لازم تكون النهاية فسخ الخطوبة..،وده يدل أن أهمية الثقة فى المواضيع اللى زى دى.
أما جمالات واحدة متسلطة اتجوزت واحد معندوش شخصية....،وطبعا لما عرف أن ممكن يكون مصيره زى أحمد لو مانفذش كلامها ....كان برضه الحل الوحيد هو الطلاق قبل مايدبس أكتر من كده بعد الفرح....
أما ناريمان وسميرة فمريحين دماغهم على الآخر واحدة معقدة وواحدة مطنشة للدنيا باللى فيها....
أنا حبيت أتكلم بالعامية فى القصة دى بالذات عشان بتمس الحياة العامة أكتر من كل القصص، ولو أى حد ليه رأى فيها أو انتقاد فأحب أسمع...........
الإثنين نوفمبر 17, 2008 11:21 am
