فرصة شغل

جزاكم الله خيرا

بس متعرفيش ايه هو نوع الشغل؟

للأسف يا بنى أنا أول ماعرفت رحت قدمت ، ونشرت الحاجة دى للناس ...، لكن أنا عرفت الحقيقة المرة... بص أنا كنت رايحة على أساس ان مدير الفروع قالى ان الشغلانة أخصائى تغذية...وبعد الانترفيو عرفت ان الشغلانة أخصائى بيع واتقبلت لكن مارحتش عشان ماعجبتنيش الحكاية....،وبصراحة خفت أخوض حاجة تانية وأسيبها زى كل مرة وانا بقى زهقت من التنطيط وعايزة استقر فى شغلانة بقى...،وحتى لو كنت هاروح....أول يوم كان المفروض انى أروحه فى الشغلانة دى بصيت لقيت نفسى الصبح عندى ألم شديد جدا فى ظهرى منعنى انى أروح أو آجى أو حتى أتحرك فى الشقة...
زى مايكون حد داعى عليا فى الفجر دعوة من القلب ومستجابة...، وبعدين اكتشفت من صاحبتى اللى جت معايا الانترفيو واستلمت الشغل....ان الشغل عبارة عن:
واقفة فى منفذ بيع زى سوبر ماركت تشرح للناس اللى جاية وصفات للعسل أو أعشاب طبية تفيدهم...وهى بصراحة كانت مبسوطة...
بس المشكلة مش فى كده المهم ان الواحد بعد فترة التدريب المفروض يكتب على نفسه عقد بسنة واذا سابهم قبل الفترة دى فيه حلين امايوافقوا وكده ماشى، أو يرفضوا وساعتها ياحلو لازم تدفع مرتب 3 شهور من اللى فاتوا....
طبعا مافيش كلام هاقدر أقوله غير ان المرتب اللى عرفته من مدير الفروع 1200 جنيه وبعد الانترفيو عرفت انه 600 أساسى و100 حوافز ونسبة على البيع ....المهم انك لو عايز تسيبهم هيتخرب بيتك....

المهم يا جدو انا كل مالروح شغلانة يقولوالى هاتشرحى للعملا هاتشرحى للعملا.... ومافيش حاجة فى مجالى وبما انك خبرة فى حكاية العملا هل تنصحنى انى اروح والا استنى شغلانة تناسيبنى

والله

كل واحد عارف امكانياتة

بالنسبة لى : لازم أوفق على اى حاجة مؤقتا حتى أجد ما اريد " دى لو لقيت.......... قصدى أبقى قابلنى يامرسي "

بالنسبة لواحد تاني : ممكن يستنى لغايت ما يلقى الحاجة اللى هو عايزها وبرضه أبقى قابلنى يا.............ز

شكرا يا فاطمة ونتمنى المزيد

نورت المحكمة يابو أنس ، مش عارف من غيرك كنا عملنا ايه يا مسعود