مرحبا بكم فى منتديات الكيمياء الحيوية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مرحبا بكم فى منتديات الكيمياء الحيوية

قسم :الكيمياء الحيوية بكلية الزراعة جامعة القاهرة
 
الرئيسيةأحدث الصورالتسجيلدخول

 

 فتيات اليوم( بقلم: فاطمة على ).

اذهب الى الأسفل 
3 مشترك
كاتب الموضوعرسالة
فاطمة على
كيميائى مجتهد جدا
كيميائى مجتهد جدا



المساهمات : 105
تاريخ التسجيل : 20/06/2008

فتيات اليوم( بقلم: فاطمة على ). Empty
مُساهمةموضوع: فتيات اليوم( بقلم: فاطمة على ).   فتيات اليوم( بقلم: فاطمة على ). Icon_minitimeالسبت سبتمبر 13, 2008 1:46 am

هذا حوار بين خمسة فتيات من فتيات اليوم، وهو يكشف عن طرق تفكير بعض نماذج شخصيات فتيات العصر... وهو طويل وسوف أسرده فى أكثر من حلقة، وسوف تعلمون بعد قرائتكم له لماذا كتبته باللغة العامية....سوف تجدون بعض الكلمات الدارجة جدا ولكن هذا الحوار يمس الحقيقة......
(سميرة تمت خطبتها لابن عمها، و جمالات تم عقد قرآنها منذ شهرين تقريبا ولم يتم زفافها بعد، يبدأ الحوار فى أحد النوادى الرياضية بعد العصر...
سميرة لنوال: بتعيطى ليه؟ ايه اللى حصل؟
نوال: أحمد الندل الجبان سابنى بحجة ان أبوه رافض الجوازة؟
سميرة : ازاى مش هو خلاص كان هيخطبك؟
نوال:بيقول ان أبوه مش مقتنع انه يشيل مسئولية دلوقتى لأن أحمد على قول أبوه واد خيخية ومايقدرش يستحمل...
ناريمان:دى حجج فارغة...مش قولتلك الواد ده مش بتاع جواز ولا نيلا...سيبك منه وانا أخدك معايا الديسكو تفرفشى شوية.
سميرة: حرام عليكى ده بدل ماتقوليلها قربى من ربنا عشان يخفف عنك....
ناريمان: انتى مدروشة قوى ومش جايبك ورا غير حكمك ومواعظك دى...
سميرة: القرب من ربنا يحميكى من أى شئ.. لو كل انسان عاش بما يرضى الله ماكنش ده بقى حالنا....
أميرة: اسكتوا بقى مش عارفة أركز فى الكتاب اللى معايا .
جمالات :بتقرى ايه؟
أميرة:كيف تستثمر أموالك....انتوا مضيعين وقتكوا فى كلام فاضى...عملوا ايه اللى حبوا واتجوزوا....ولا حاجة.
جمالات: الجواز سنة الحياة.
سميرة :انتى بالذات تسكتى...حرام عليكى الراجل مش عارف ينطق نص كلمة دايما ممشية كلامك كده.
ناريمان:هو اللى ضعيف الشخصية.
أميرة: العصبية وحب التملك مش هايجيب نتيجة وآخرة الجواز دى الانفصال.
جمالات لأميرة:ابعدى عننا بأفكارك الغريبة وعلم النفس اللى بتحبيه ده.
سميرة: اذا كنتى بتعملى كده دلوقتى...امال بعدين هتخليه ينتحر...وبعدين ازاى تحترمى راجل انتى ممشية كلامك عليه...ده أحسن صفة فيهم أنهم يقودوا البيت .
أميرة :لما يقودوه على الصح.
سميرة:ماهى لو كل واحدة اختارت واحد متدين عارف ربنا هيعرف يمشى البيت بما يرضى الله.
نوال تصرخ: ياجماعة فرستونى انتوا أصحاب بالذمة...كده هتحلوا مشكلتى؟
جمالات: مانتى اللى دلعتيه بهبلك وعبطك...لازم تبينى له انه ولا حاجة عشان يحس بقيمتك..
ناريمان:لالا يابت احنا نقوله انك اتخطبتى عشان نفلفله...
سميرة:أنا لو كنت مكانك كنت أول حاجة أعملها أختار شلة كويسة عدلة...عشان لما ينصحونى أثق فى كلامهم...واحدة واخدة الدنيا عافية وعايزة تاكل دراع جوزها من الاول...وواحدة بتاعة ديسكوهات ...وواحدة معقدة شايفة ان الرجالة دول أعدائنا وناسية ان الحياة بتقوم على التفاهم بين الاتنين..
ناريمان لسميرة:وواحدة زيك رايحة جاية على المسجد ومش عارفة بايمانها تصلح من أحوالها...تقدرى تقوليلى هشام ابن عمك وخطيبك سابك وسافر ليه...
سميرة :عشان يكون نفسه..
ناريمان :يا سلاااااااااااااام...دى حجة عشان يفلسعك.
سميرة: ده انسان عارف ربنا ومش ممكن يعمل كده...ده بيت عمى كله تدين واحترام.
نوال: ارحمونى بقى ...فكروا معايا أعمل ايه..
جمالات:قطعت سيرته يا حبيبتى اللى يزعلك بالشكل ده.
سميرة:انسيه واختارى واحد عارف ربنا يصونك ويراعى فيكى ربنا...وقبل كده صلحى من نفسك عشان تختارى صح....
وظهر أحمد من بعيد فى الجهة الثانية من الملعب...ونهض الأربعة لكى يتكلموا معه...
وكان فى ذهن ناريمان أن تقول له أن نوال تمت خطبتها لشخص أحسن منه ألف مرة،
وفى ذهن سميرة أن تقول له أن يتق الله ربه فى البنات حتى لا يحدث ذلك لأخته، وكان فى ذهن أميرة أن تقول له أن نوال اشتغلت فى شركة كبرى وأن حياتها أصبحت للعمل فقط...، ولكن جمالات لم تفكر....وتجمع الناس على صوت ما حدث... فصرخت فيها أميرة:ايه اللى انتى عملتيه ده يا مجنونة؟!!
وصرخت أيضا سميرة:ياخبر... انتى دايما كده بتفضحينا؟!!
أما ناريمان فارتمت على الأرض من الضحك.
وجمالات مسحت الدم من على فمها....لقد عضت أحمد عضة رهيبة جدا جعلته يسقط مغشيا عليه فى الحال....)
اللى اللقاء فى حادثة...أقصد فى حوار آخر لفتيات اليوم...
الرجوع الى أعلى الصفحة اذهب الى الأسفل
سُميه
كيميائى مجتهد جدا
كيميائى مجتهد جدا
سُميه


المساهمات : 170
تاريخ التسجيل : 24/07/2008

فتيات اليوم( بقلم: فاطمة على ). Empty
مُساهمةموضوع: رد: فتيات اليوم( بقلم: فاطمة على ).   فتيات اليوم( بقلم: فاطمة على ). Icon_minitimeالثلاثاء سبتمبر 16, 2008 4:09 am

بسم الله الرحمن الرحيم

السلام عليكم ورحمة الله وبركاته ،

جزاك الله خيرا يا بطوط الموضوع جميل جدا ومضحك
وعندك حق فعلا فى اختلاف فكرى كبير بين الأفراد بالرغم من قربهم لبعض
مهم ان الإنسان يعرف اللى عايزه بوضوح
بس فى رأى أن الأهم أن اللى عايزه يكون صواب يرضى ربه ويخدم دينه

لا تحرمينا من المزيد cheers
وجزاك الله خيرا Very Happy
الرجوع الى أعلى الصفحة اذهب الى الأسفل
أبو أنس_الشافعي
نائب المدير
نائب المدير
أبو أنس_الشافعي


المساهمات : 325
تاريخ التسجيل : 05/10/2007
العمر : 36

فتيات اليوم( بقلم: فاطمة على ). Empty
مُساهمةموضوع: رد: فتيات اليوم( بقلم: فاطمة على ).   فتيات اليوم( بقلم: فاطمة على ). Icon_minitimeالسبت سبتمبر 20, 2008 6:20 am

جزاكم الله خيرا
ويارب يوصلوا لحل مرضي فى الاخر
ونرجوا المزيد.......
الرجوع الى أعلى الصفحة اذهب الى الأسفل
 
فتيات اليوم( بقلم: فاطمة على ).
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
مرحبا بكم فى منتديات الكيمياء الحيوية :: الفئة الأولى :: بعيدا عن الكيمياء :: القسم العام-
انتقل الى: