مرحبا بكم فى منتديات الكيمياء الحيوية

قسم :الكيمياء الحيوية بكلية الزراعة جامعة القاهرة
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 فتيات اليوم 2( بقلم: فاطمة على ).

اذهب الى الأسفل 
كاتب الموضوعرسالة
فاطمة على
كيميائى مجتهد جدا
كيميائى مجتهد جدا


المساهمات : 105
تاريخ التسجيل : 20/06/2008

مُساهمةموضوع: فتيات اليوم 2( بقلم: فاطمة على ).   السبت أكتوبر 11, 2008 3:07 am


الملخص:تخلى أحمد عن نوال فقامت جمالات بعض أحمد تضامنا معها.
2: نوال فى المستشفى بجانب أحمد أما جمالات فهى ترفض الحديث مع أى أحد بسبب المشكلات التى تمطر عليها،أما سميرة وأميرة وناريمان فهن جالسات كالعادة بعد العصر فى النادى......
الخطة التى ستدبرها سميرة وناريمان هذه المرة نفذتها بالفعل اثنتين من صديقاتى وكانت لها دورا فى فسخ خطوبة احداهن مع خطيبها، على الرغم من أننى نصحتهم بألا يفعلوها كما قامت أميرة بنصح سميرة وناريمان بألا يفعلا ذلك....مع العلم أننى لا أمثل شخصيتى فى أى بنت منهن.... فأننى مجرد أصور نماذج مختلفة من فتيات اليوم ليس أكثر....ودعونا نبدأ الحوار:
(ناريمان: أنا مش مصدقة ازاى يتعالج وعقله يخرف من مجرد بونية وعضة اديتهاله جمالات...
سميرة: هى ضربته كمان؟!
ناريمان:بصى هى فى الأول ضربته بالبونية فى راسه وبعدين عضته.
سميرة:لا والله تصدقى ماخدتش بالى فى الأول ، كنت بفكر هاقله ايه.
ناريمان :أهى سبقتك وقالتله بأسلوبها...
سميرة:بس برضه ضربة فى راسه متخليهوش يفقد الوعى ويدخل فى حالة هذيان وكمان يدخل المستشفى!!!
ناريمان:متنسيش انها عضته عضة جابت دم...
سميرة:فعلا واد فافى أمال يعمل ايه لو دافع عن نوال فى مرة مثلا لما يلاقى حد بيعاكسها.....
ناريمان: بس انا خايفة من حاجة، لو فضل على الحالة دى أكتر من 21 يوم...تبقى مصيبة...داحنا ماصدقتا ان مافيش حد من اللى شاف اللى عملته جمالات شهد عليها لأنهم كلهم حبايبنا...
انفجرت فجأة أميرة:انتوا بتخرفوا تقولوا ايه انتى وهى 21 يوم ايه وجناية ايه وشهود ايه ....هو كمان بيستعبط ضربة ايه وعضة ايه اللى تدخله المستشفى....
ناريمان: ياريت على كده وبس..ده حماة جمالات لما عرفت الخبر راسها وألف سيف أن كريم جوز جمالات لازم يطلقها قبل الفرح ويدخلوا فى الجد...
سميرة:ليه هو لعب عيال؟!...وبعدين كتب الكتاب مش جد والا ايه؟
ناريمان: بتقول ياستى خايفة على ابنها منها لاحسن فى يوم يتخانقوا مع بعض وتفقد ابنها الوحيد.....
أميرة :ايه المصايب دى؟...ايه كل ده خنقتونى...
سميرة: لا...بس انا عندى ليكم خبر حلو ماجتش فرصة أقوله فى الرغى اللى بترغوه.
ناريمان:قولى وفرحينا بقى...
سميرة: عادل ابن عمى رجع من السفر وقررنا خلاص ان كتب الكتاب يكون قريب ان شاء الله...
ناريمان: غريبة...أكيد الراجل ده ملاك...ازاى سافر بره وشاف البنات فى فرنسا..ولسه مخلص لبنت بلده...
سميرة بانفعال :ليه هو انا شوية والا ايه؟
ناريمان: عايزة تقنعينى انه لو شاف واحدة اجمل منك فى الشارع مش هيبصلها....
يزداد انفعال سميرة وتقول بثقة:لأ طبعا.....
ناريمان: طب مانحطه تحت اختبار صغير ...لو نجح فيه هتزداد ثقتك فيه..أما بقى ياختى لو سقط يبقى قديكى عرفتى أخلاقه الحقيقية....
سميرة: اختبار ايه ده؟
(وقالت لها ناريمان على ما تريد فعله....)
سميرة: ماشى كلامك...
أميرة: ياجماعة بلاش....عادل لو شك مجرد شك انكوا عاملين الخطة دى عليه هتنسكر بين سميرة وعادل حاجات كتير...
ناريمان: ايش فهمك انتى ؟....هو انتى أصلا وراكى ايه غير شغلك والكتب المعقدة اللى بتقريها...؟
أميرة: بس عادل انسان ذكى ولو حس ان سميرة حطاه تحت اختبارات هتقل الثقة بينهم...،وبعدين أى شخص يرفض أنه يكون فى وضع شك واختبارات....ده غير انه هيزعل جدا انها على الرغم من هى عارفة أخلاقه لأنهم قرايب قبل ما يكونوا مخطوبين...وبعد كل ده يبقى عندها مجرد شك فيه.
سميرة: ياستى احنا بنتأكد بس...مش بنشك ولا حاجة...وبعدين ايه اللى هيعرفه يعنى؟
وبالفعل اتصلت ناريمان به على الموبايل وحاولت تغيير صوتها....وحاولت التمثيل عليه حتى ترى اذا كان سيستجيب لها أم لا...,لكنه كشف صوتها على الفور وكان أمكر منها فقال:
عايز أشوفك.....
- فين؟
- فى أى مكان تحبيه.....ايه رأيك فى جنينية الأسماك؟
- اشمعنى اخترت المكان ده يعنى؟
- يعنى علشان ده مكان هادى وحلو...
- ماشى استنانى الساعة 4هناك.
- بس اعرفك ازاى ؟
- هاحط على كتفى ايشارب أصفر فاقع....ماشى.
- ماشى.
وبالفعل ذهب فى الميعاد وأراد أن يكشفها وهو كله غضب من أن ناريمان لا يمكن أن تفعل هذا دون علم سميرة وتحريضها ،لأنهما يحترمان ويحبان بعضهما دائما..ولا يمكن لناريمان أن تخون سميرة...كما أن عادل ليس النوع الذى تفضله ناريمان وتميل اليه....
ولكنه بعد وصوله فى الميعاد بربع ساعة اتصلت ناريمان بسميرة:
ناريمان: الحقينى يا سميرة الحقينى...
سميرة : فيه ايه....ايه اللى حصل؟!
- بعد ماوصلت الجنينة لقيت عادل غرقان فى دمه...طلع عليه شوية عصبجية ضربوه...
- ازاى؟....ازاى؟ ودول جم منين وكانوا عايزين منه ايه؟
- معرفش...معرفش...بصى انا هقفل دلوقتى عشان الاسعاف وصل....
(الى اللقاء مع حلقة جديدة من فتيات اليوم).
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو أنس_الشافعي
نائب المدير
نائب المدير
avatar

المساهمات : 325
تاريخ التسجيل : 05/10/2007
العمر : 31

مُساهمةموضوع: رد: فتيات اليوم 2( بقلم: فاطمة على ).   الأحد أكتوبر 12, 2008 12:12 pm

طب والحنوتى هيوصل امتى

فى انتظار الباقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو مريم
كيميائى جديد
كيميائى جديد
avatar

المساهمات : 14
تاريخ التسجيل : 23/10/2008

مُساهمةموضوع: رد: فتيات اليوم 2( بقلم: فاطمة على ).   الخميس أكتوبر 23, 2008 6:59 am

بجد أنتي موهوبة جدااااااا

بس أنا نفسي تحولي تكتبي لينا علي الموقع أحلي

قصة ( يوميات متفائل ) ( مجالة القسم )


أصل أنا معرفتش أكمل القصة للنهاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فاطمة على
كيميائى مجتهد جدا
كيميائى مجتهد جدا


المساهمات : 105
تاريخ التسجيل : 20/06/2008

مُساهمةموضوع: رد: فتيات اليوم 2( بقلم: فاطمة على ).   الإثنين نوفمبر 17, 2008 11:26 am

قصة يوميات متفائل استحالة يكون ليها نهاية...مانت شايف الحياة بيحصل فيها ايه ...واللى بيحصل مش ممكن يكون ليه نهاية...والحياة ماشية بالشكل ده من غير نهاية......بس أحسن حاجة فى شخصية فريد أنه بيقابل كل المشاكل والمصايب بتفاؤل.....وكلنا نتمنى نكون زيه فى الخصلة دى.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سُميه
كيميائى مجتهد جدا
كيميائى مجتهد جدا
avatar

المساهمات : 170
تاريخ التسجيل : 24/07/2008

مُساهمةموضوع: رد: فتيات اليوم 2( بقلم: فاطمة على ).   الإثنين نوفمبر 17, 2008 7:15 pm

بسم الله الرحمن الرحيم


لا حول ولا قوة الا بالله
كان راجل طيب Laughing
ان شاء الله يقوم بالسلامه ويكمل خناقته مع ناريمان وسميره

جزاكى الله خيرا ولا تحرمينا المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فتيات اليوم 2( بقلم: فاطمة على ).
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرحبا بكم فى منتديات الكيمياء الحيوية :: الفئة الأولى :: بعيدا عن الكيمياء :: القسم العام-
انتقل الى: